Enski boltinn

Jólasveinninn hlýtur að halda með Chelsea

Jose Mourinho var ánægður með sigurinn á Wigan í gær, en sagði að lið sitt hefði ekki átt skilið að hirða öll stigin.
Jose Mourinho var ánægður með sigurinn á Wigan í gær, en sagði að lið sitt hefði ekki átt skilið að hirða öll stigin. MYND/Getty

Jose Mourinho, knattspyrnustjóri Chelsea, þakkaði jólasveininum fyrir sigurinn á Wigan í gærkvöldi. Portúgalski stjórinn sagði lið sitt ekki hafa átt skilið að hirða öll stigin þrjú. Arjen Robben skoraði sigurmarkið í 3-2 sigri á 93. mínútu leiksins.

"Jólasveinninn hlýtur að hafa klæðst bláu í gær því við áttum ekki skilið að vinna. Ég er ekki stoltur af þessari frammistöðu leikmanna minna. Það vantaði allt jafnvægi í okkar leik en hugarfarið hjá leikmönnum Wigan var aðdáunarvert. Ég veit ekki hvað er að hjá leikmönnunum. Þeir virðast ekki getað spilað sinn besta leik nema þegar mikið liggur við," sagði Mourinho, en rétt eins og gegn Everton um síðustu helgi tryggði Chelsea sér sigur á lokamínútunum.

Enski boltinn Erlendar Fótbolti Íþróttir

Mest lesið


Fleiri fréttir

Sjá meira


×

Mest lesið