Jesú, konungur Póllands?

Hópur af pólskum þingmönnum hefur lagt fram tillögu á pólska þinginu um að gera Jesú að konungi Póllands. Samtals standa 46 þingmenn úr þremur stjórnmálaflokkum að tillögunni. Skýra þeir uppátæki sitt með því að segja að Jesú sé hinn eini sanni konungur í hjarta margra kaþólikka.

Pólska kirkjan hefur þó mótmælt þessu og sagði erkibiskupinn í Póllandi að „leyfum byggingarmönnum að byggja íbúðir, klæðskerum að sauma föt og stjórnmálamönnum að skipta sér ekki af því sem þeir vita ekkert um."

„Þingmenn ættu að biðja og þjást til þess að eftir þeim verði munað á réttan hátt." bætti biskupinn enn fremur við.