Sigur Raikkönen staðfestur

Í nótt var endanlega staðfest að Kimi Raikkönen væri heimsmeistari í Formúlu 1 eftir rannsókn á eldsneyti leiddi í ljós að ekkert athugavert var við eldsneyti sem bílar BMW Sauber og Williams notuðu í keppninni í Brasilíu í gær.

Í gærkvöld var hrundið af stað rannsókn á eldsneyti liðanna tveggja en eftir hana ákváðu forráðamenn Formúlu 1 að aðhafast ekki frekar í málinu og sleppa Williams og BMW við sekt.

Ef til þess hefði komið að liðin tvö hefðu fengið sekt, hefði það geta þýtt að ökuþórar liðsins hefðu verið dæmdir úr keppni í gær og því hefði Lewis Hamilton náð að næla sér í nógu mörg stig til að hampa heimsmeistaratitlinum.

Forráaðmenn McLaren ætla ekki að una þessari niðurstöðu og hafa ákveðið að áfrýja niðustöðunni.