Stórleikur KR og Njarðvíkur í beinni á Sýn

Fimm leikir eru á dagskrá í Iceland Express deild karla í kvöld og hefjast þeir allir klukkan 19:15. Stórleikur kvöldsiner viðureign KR og Njarðvíkur í DHL höllinni og verður hann sýndur beint á Sýn.

Í Garðabæ mætast nýliðar deildarinnar þegar Stjarnan tekur á móti Þór Akureyri. Þór hafði mikla yfirburði í 1 deildinni í fyrra en Stjarnan hefur styrkt leikmannhóp sinn töluvert síðan þá.

Á Sauðárkróki mæta heimamenn í Tindastól liði Grindavíkur. Bæði lið hafa leikið nokkuð vel í byrjun tímabils og unnið þrjá af fjórum fyrstu leikjum sínum.

Í Borgarnesi mætir Skallgrímur liði Fjölnis. Bæði lið hafa átt á brattan að sækja í fyrstu umferðunum og eru með 1 sigur eftir fjóra leiki.

Í Keflavík mætir topplið Keflavíkur bikarmeisturum ÍR. Keflvíkingar hafa enn ekki tapað leik en ÍR-ingar hafa unnið tvo leiki og tapað tveimur.

Á morgun lýkur svo 5. umferðinni þegar Hamar mætir Snæfelli í Hveragerði.