Bretland á barmi kreppu

Breska hagkerfið dróst saman um eitt prósent frá september fram í enda nóvember, sam kvæmt nýbirtum gögnum bresku hagstofunnar. Dragist hagvöxtur saman tvo fjórðunga í röð má segja að samdráttarskeið sé runnið upp, samkvæmt þumalfingursreglum. Sú stund er nú næstum runnin upp í Bretlandi en hagkerfið dróst saman um hálft prósentustig á þriðja ársfjórðungi.

Hagtölur fyrir árið í heild, þar á meðal þriðja ársfjórðung, munu eðli málsins samkvæmt liggja fyrir í janúar, samkvæmt breska ríkisútvarpinu.

BBC bendir á í dag, að Gordon Brown, forsætisráðherra, útiloki ekki að sú geti orðið niðurstaðan og að kreppan gæti orðið dýpri en menn hafi óttast.