Fram og ÍA í undanúrslit

Fram og ÍA komust áfram í undanúrslit Lengjubikarkeppni karla og mæta þar Val og Breiðabliki.

Fram vann 2-1 sigur á FH með mörkum Paul McShane og Hjálmar Þórarinssonar sem komu Fram í 2-0. Matthías Vilhjálmsson skoraði mark FH.

ÍA vann öruggan 3-0 sigur á KR þar sem Gunnlaugur Jónsson fékk að líta rauða spjaldið undir lok leiksins gegn sínum gömlu félögum.

Bjarni Guðjónsson skoraði fyrsta mark ÍA strax á fyrstu mínútu og Björn Bergmann Sigurðarson bætti við öðru undir lok fyrri hálfleiksins.

Þriðja mark ÍA var svo sjálfsmark KR-inga.

Valur mætir ÍA í undanúrslitum í Kórnum á fimmtudaginn kemur klukkan 14.00. Síðar um daginn, kl. 19.00, mætast Fram og Breiðablik í hinum undanúrslitaleiknum.

Úrslitaleikurinn fer svo fram þann 1. maí.

Heimild: Fótbolti.net.