Minni hagvöxtur fram á næsta ár

Efnahags- og framfarastofnunin (OECD) segir það versta í lánsfjár- og lausafjárkreppunni yfirstaðið. Hins vegar vara stofnunin við því að samdráttur muni vara lengur innan aðildarríkja OECD en áður hafði verið spáð.

„Spá okkar er neikvæðar en sú sem við birtum fyrir hálfu ári," segir Jörgen Elmeskov, hagfræðingur OECD, í samtali við breska ríkisútvarpið. Hann bætir við að verri afkoma og þrengingar hjá fjármálafyrirtækjum hafi gengið eftir og muni það skila sér í minni hagvexti á árinu.

Þrír liðir liggja til grundvallar samdrættinum, að mati OECD. Það eru sem fyrr lausafjárkreppan, verðlækkun á fasteignamarkaði og snörp verðhækkun á hrávörumarkaði. Verðhækkanir á matvöru og hrávöru veldur því að seðlabankar OECD-ríkjanna standa á milli steins og sleggju og valda því að þeir eiga hægara um vik að bregðast við samdrættinum, að sögn Elmeskov.

Hagvöxtur innan OECD-ríkjanna var 2,7 prósent á síðasta ári. Reiknað er með að hagvöxturinn verði 1,8 prósent á næsta ári og jafnvel 1,7 árið 2009.