Mourinho kominn með fyrstu verðlaunin hjá Inter

Ítalíumeistarar Inter sigruðu þýsku meistarana í Bayern München 1-0 í leik um Beckenbauer-bikarinn í gær. Það var Brasilíumaðurinn Mancini sem skoraði sigurmarkið.

„Þessi leikur var gríðarlega góð æfing fyrir okkur. Við lékum gegn sterku liði sem er að fara að keppa í deildinni sinni eftir nokkra daga. Þeir eru greinilega komnir aðeins á undan okkur í sínum undirbúningi," sagði Jose Mourinho, þjálfari Inter.

„Það sem ég er ánægðastur með eru framfarirnar. Við erum á réttri leið og verðum betri með hverjum leiknum," sagði Mourinho sem tók við Beckenbauer-bikarnum eftir leikinn, hans fyrstu verðlaunum sem þjálfari Inter.