Valur meistari meistaranna

Pálmi Rafn Pálmason skoraði tvívegis er Íslandsmeistarar Vals unnu 2-1 sigur á bikarmeisturum FH í árlegri Meistarakeppni KSÍ.

Atli Viðar Björnsson kom FH yfir strax á fjórðu mínútu leiksins en Pálmi Rafn Pálmason jafnaði metin á sextándu mínútu leiksins með glæsilegu langskoti.

Staðan var jöfn í hálfleik en á 63. mínútu skoraði Pálmi Rafn öðru sinni fyrir Val með skalla eftir hornspyrnu. Það urðu lokatölur leiksins.

Fylgst var með leiknum hér á Vísi en hann var í beinni lýsingu á Boltavakt Vísis og Fréttablaðsins. Smellið á hlekkinn hér fyrir neðan til að opna Boltavaktina.



Meistarakeppni KSÍ: Valur - FH

FH hefur titil að verja en liðið vann Keflavík í fyrra með einu marki gegn engu. FH vann titilinn einnig árið 2005 en Valur árið 2006.

Landsbankadeild karla hefst á laugardaginn kemur en á miðvikudaginn verður kunngjörð árleg spá um lokastöðu liða í deildinni.

Boltavakt Vísis og Fréttablaðsins verða á öllum leikjum sumarsins í Landsbankadeild karla. Þá verður fylgst með leikjum á síðari stigum bikarkeppninnar.

Á fimmtudaginn varð Valur Lengjubikarmeistari karla eftir 4-1 sigur á Fram í úrslitum. Það má lesa lýsingu Boltavaktarinnar frá þeim leik með því að smella á hlekkinn hér fyrir neðan.

Lengjubikarkeppni karla: Fram - Valur 1-4