Haslum vann norska meistaratitilinn

Haslum stóð uppi sem sigurvegari í lokahnykk norsku úrslitakeppninnar í handbolta sem fór fram um helgina.

Bæði undanúrslitin og úrslitin fóru fram um helgina. Haslum vann Stord í úrslitum á laugardaginn, 26-19.

Haslum lagði Runar í undanúrslitum á föstudaginn, 32-24, þar sem Kristinn Björgúlfsson skoraði þrjú mörk fyrir Runar.

Sigurvegarar síðasta árs, Elverum með Sigurð Ara Stefánsson innanborðs, duttu út í fjórðungsúrslitum er liðið tapaði fyrir Haslum.