1. deild: Fjarðabyggð í annað sætið - Ólsarar áfram á botninum

Fjarðabyggð vann 1-0 sigur gegn Víkingi Ólafsvík á Eskifirði í kvöld í lokaleik 12. umferðar 1. deildar karla.

Grétar Örn Ómarsson skoraði eina markið á lokakafla leiksins.

Sigurinn skaut Fjarðabyggð úr sjötta sæti upp í annað sæti deildarinnar en liðið er með 22 stig.

Ólsarar er aftur á móti enn á botninum með 7 stig. Tveir Slóvenar, Danijel Blasko og Dejan Podbreznik, léku sína fyrstu leiki með Víkingi en Podbreznik fékk að líta rauða spjaldið í leiknum.