Heitar kartöflur

Markaðurinn sagði frá því í síðustu viku að Landsbankinn í Lúxemborg hafi boðið vildarviðskiptavinum sínum að kaupa fyrir þá lúxusbíla gegn mótframlagi. Bílarnir voru geymdir í bílageymslu á vegum bankans í Lúxemborg ásamt öðrum bílum sem viðskiptavinir höfðu keypt fyrir eigin reikning.

Þarna á meðal var Bugatti Veyron, dýrasta bílategund heims. Forsvarsmenn gamla Landsbankans sem náðist í könnuðust ekkert við málið þá og vísuðu á Kaupþing í Lúx. Forsvarsmenn gamla Kaupþings könnuðust heldur ekkert við málið og vísuðu málinu á Landsbankann. Einkennilegasta mál sem minnir helst á heita kartöflu, sem enginn vill halda á.