Fimm þýskir ökumenn á heimavelli

Það verður fjör á áhorfendapöllunum á Nurburgring í Þýskalandi um helgina. Heimamenn eiga fimm starfandi Formúlu 1 ökumenn og Sebastian Vettel vann síðustu keppni sem fram fór á Red Bull.

Hinir kapparnir frá Þýskalandi eru Adrian Sutil, Timo Glock, Nick Heidfeld og Nico Rosberg. Vettel hefur óbeint tekið við hlutverki Michael Schumacher í hugum heimamanna, en hann hefur unnið tvö mót á árinu og þykir framtíðarmaður.

Vettel vann á dögunum á Silverstone og er í þriðja sæti í stigakeppni ökumanna, á eftir Jenson Button og Rubens Barrichello. Vettel er mjög einbittur ökumaður og með aðferðarfræðina á hreinu.

"Ég leik ekki neinar sálfræðileiki gergn keppinautum mínum. Ég bara einbeiti mér að akstrinum þegar ég er sestur um borð í bílinn. Það verður gaman að keppa á heimaveli og það er alltaf ákveðið spark sem maður fær í kroppin þegar maður sér þýska fánann í áhorfendastúkunum á heimavelli. Það er líka sérstök tilfinning að heyra þýska þjóðsönginn á verðlaunapallinum eftir sigur", sagði Vettel.

Fjallað verður um Nurburgring brautina í þættinum Rásmarkið á Stöð 2 Sport á fimmtudagskvöld.