Ók yfir stuðningsmenn Barcelona og banaði fjórum

Fjórir létust og tíu slösuðust í bænum Ogbo í Nígeríu í gærkvöld þegar óður stuðningsmaður Manchester United ók sendiferðabíl inn í hóp Barcelona-stuðningsmanna eftir úrslitaleik meistaradeildarinnar.

Vitni að atburðinum sögðu að ökumaður sendibifreiðarinnar hefði fyrst ekið framhjá stuðningsmönnum Barcelona en skyndilega snúið við og keyrt á grunlaust fólkið.

Þetta er ekki fyrsti harmleikurinn tengdur meistaradeildinni þetta vorið í Afríku en ekki er langt síðan stuðningsmaður Arsenal í Kenýa hengdi sig eftir að lið hans féll úr leik.