Ferguson: Stefnir í að Ferdinand spili á miðvikudag

Sir Alex Ferguson hefur látið í veðri vaka að varnarmaðurinn Rio Ferdinand muni koma aftur inn í lið hans í úrslitaleiknum í meistaradeildinni í vikunni.

Ferdinand hefur misst af fjórum síðustu leikjum United vegna meiðsla á kálfa sem hann hlaut í síðari leiknum gegn Arsenal í meistaradeildinni og hafði Ferguson gefið það út að Rio myndi ekki spila úrslitaleikinn ef hann næði sér ekki góðum fyrir leikinn gegn Hull um helgina.

"Rio er allur að koma til. Hann æfði á laugardaginn og aftur í dag og mér sýnist hann vera að koma til. Hann ætti að geta spilað á sunnudaginn," sagði Ferguson í gærkvöld.