Giggs: Við mættum ekki til leiks

Ryan Giggs átti ekki góðan leik í liði Man. Utd í kvöld rétt eins og margir aðrir leikmenn liðsins. Giggs var að vonum ósáttur eftir leikinn.

„Við erum svekktir með úrslitin sem og frammistöðuna. Við mættum bara ekki til leiks hér í kvöld. Það gerði Barcelona aftur á móti og spilaði frábæran fótbolta á köflum. Það gerðum við ekki," sagði Giggs hundsvekktur.

„Við spiluðum ekki þann fótbolta sem við getum og það er gríðarlega svekkjandi. Ég tek samt ekkert af Barcelona sem átti þetta skilið í kvöld. Við byrjuðum leikinn svo vel og það er nákvæmlega það sem við ætluðum okkur. Við sköpuðum samt færi í leiknum og líklega fleiri færi en Barcelona.

„Það skipti gríðarlega miklu máli að skora fyrsta markið í leiknum því það lið gat slappað af og haldið boltanum en það geri bæði liðin vel. Við vorum of mikið að elta þá á tímabili og gerðum ekki það sem við áttum að gera."