TellMeTwin hefur þróunarstarf í BNA Óli Kristján Ármannsson skrifar 18. febrúar 2009 07:00 Einar Sigvaldason TellMeTwin starfar nú með helsta hönnuði meðmælakerfis Amazon.com. Tengja á TellMeTwin-meðmælakerfið vefsamfélögum á borð við Facebook, farsímum og netvöfrum. „Núna í janúar fengum við hæsta styrk upp á átta milljónir króna á ári frá tækniþróunarsjóði Rannís til að þróa TellMeTwin Everywhere, hvernig TellMeTwin vinnur með öðrum netsamfélögum, vefsíðum og forritum," segir Einar Sigvaldason, framkvæmdastjóri TellMeTwin. Einar segir að í kjölfar styrkveitingarinnar sé nú að fara í gang öflugt þróunarstarf og leit að samsarfsaðilum í Bandaríkjunum. Verkefnið segir hann unnið í samstarfi við Ara Kristin Jónsson, forseta tölvunarfræðideildar Háskólans í Reykjavík og Andreas Weigend, kennara við Berkeley- og Stanford- háskólana í Bandaríkjunum. Weigend er jafnframt fyrrum tæknistjóri (e. chief scientist) hjá Amazon.com og einn af helstu hönnuðum meðmælakerfisins sem vefverslunin notar. Hann starfar jafnframt sem ráðgjafi hjá ekki ómerkari fyrirtækjum en Nokia, Myspace, Yahoo, Del.icio.us og fleirum slíkum. Á vef Tell Me Twin getur fólk skráð sig og gefið upp viðhorf til margvíslegra hluta með því að taka persónuleikapróf, og getur svo einnig gefið hlutum einkunn, hvort sem það eru kvikmyndir, bækur, matur eða annað. Síðan eru upplýsingar frá svipað þenkjandi einstaklingum notaðar til að mæla með nýjum hlutum við fólk. „Þarna er því bæði lesið í karaktereinkenni og svo lærð viðhorf." „Mikill akkur er í því fyrir okkur að fá Andreas Weigend í þetta með okkur, heilann á bakvið meðmælakerfi Amazon.com sem flestir þekkja og er eitt það viðurkenndasta í heimi," segir Einar. „Með okkur reynir hann nú að að setja nýja staðla á þessu sviði." Markmið TellMeTwin Everywhere er að gera TellMeTwin kleift að vinna með öðrum netsamfélögum, vefsíðum, eða forritum. Með viðbót við internetvafra gæti TellMeTwin vakað yfir því að benda fólki á nýja hluti, eftir því hvaða síður er verið að skoða. Þá er horft til þess að TellMeTwin fái unnið með vefverslunum á borð við Amazon.com, iTunes og fleiri, auk þess að samtvinna það netsamfélögum á borð við Facebook, MySpace, Bebo, Twitter eða önnur slík. Þá er horft til þess að búa til TellMeTwin viðmót í farsíma. Þannig gæti einhver leitað ráða hjá svipað þenkjandi fólki væri hann í vafa um bók sem hann ætlaði að kaupa úti í búð. „Í mars fer ég út til funda með Andreas og leggjumst við þá yfir það með hvaða vefjum TellMeTwin ætti helst að vera að vinna og hvernig," segir Einar. Í Háskólanum í Reykjavík starfar svo tölvunarfræðinemi með Ara Kristni í að forrita tæknilausnina. Tekjur TellMeTwin segir Einar að komi svo einna helst í gegnum samstarf við verslanir. „Núna er það til dæmis þannig að ef tvífari einhvers mælir með bíómynd á vefnum okkar og smellt er á „kaupa" hnappinn, þá er viðkomandi sendur yfir á vef Amazon.com og við fáum 6,0 til 8,5 prósenta sölulaun af því sem hann kaupir þar, á meðan hann hefur netvafrann opinn," segir Einar. „Grunnhugsunin er að fólk geti fengið ráðleggingar hjá fólki sem sagan sýnir að kann að meta svipaða hluti og þú, í stað þess að fólk sé að fá ómarkvissari ráðgjöf hjá vinum og kunningjum. Þetta er sérlega hjálplegt fyrir þá sem hafa afgerandi skoðanir á hlutunum og kannski oft andstætt skoðun fjöldans. Ég kann til dæmis hvorki að meta Hringadróttinssögu né nýju Batman-myndina og því verðmætt fyrir mig að finna tvífara sem deilir með mér þessu ákveðna „persónueinkenni", því allt í kringum mig er fólk að mæla með þessum myndum. Viðkomandi gæti svo auðvitað verið að mæla með einhverju allt öðru en kvikmyndum." Fréttir Innlent Viðskipti Mest lesið Leik lokið hjá Play Viðskipti innlent Segir ekki honum að kenna að Play hafi farið á hausinn Viðskipti innlent Kalla ráðherra og forstjóra Samgöngustofu fyrir samgöngunefnd Viðskipti innlent „Skrifast ekki á okkur að það hafi farið eins og er farið“ Viðskipti innlent Hækkun flugfargjalda muni skila sér í meiri verðbólgu Viðskipti innlent Engin ást eftir milli flugmanna og stjórnenda Viðskipti innlent Icelandair geti ekki svarað fyrir orðræðuna Viðskipti innlent Norðlensk framleiðsla sem er að slá í gegn á Íslandi Samstarf Gjaldþrotaskiptabeiðni Play tekin fyrir í héraðsdómi Viðskipti innlent Þjóðarskútan sé „vel í stakk búin til að sigla milli skers og báru í úfnum sjó“ Viðskipti innlent Fleiri fréttir Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Icelandair geti ekki svarað fyrir orðræðuna Play kvartaði undan Icelandair þremur vikum fyrir gjaldþrot Loka Kristjánsbakaríi Hætta rekstri tveggja skipa í hagræðingarskyni Engin ást eftir milli flugmanna og stjórnenda Sömu miðarnir kosti nú 370 þúsund Koma fólkinu heim með fimmtán milljóna króna leiguflugi Fargjöld ekki hækkuð af ásettu ráði Samgöngustofa fundaði nýlega með Play og fékk gögn frá KPMG „Við erum ekki með öll eggin í sömu körfu“ „Hver fyrir sig hvað það varðar“ Farþegar Play í Keflavík klóra sér í kollinum Ráðin sölu- og markaðsstjóri hjá Alfreð Kveðjubréf Einars forstjóra til starfsfólks Play er gjaldþrota Bein útsending: Staða aðfluttra á húsnæðismarkaði Spennandi tími til að opna nýjan fjölmiðill Lífsverk og Almenni lífeyrissjóðurinn í eina sæng Lagning gjaldþrota Sjá meira
TellMeTwin starfar nú með helsta hönnuði meðmælakerfis Amazon.com. Tengja á TellMeTwin-meðmælakerfið vefsamfélögum á borð við Facebook, farsímum og netvöfrum. „Núna í janúar fengum við hæsta styrk upp á átta milljónir króna á ári frá tækniþróunarsjóði Rannís til að þróa TellMeTwin Everywhere, hvernig TellMeTwin vinnur með öðrum netsamfélögum, vefsíðum og forritum," segir Einar Sigvaldason, framkvæmdastjóri TellMeTwin. Einar segir að í kjölfar styrkveitingarinnar sé nú að fara í gang öflugt þróunarstarf og leit að samsarfsaðilum í Bandaríkjunum. Verkefnið segir hann unnið í samstarfi við Ara Kristin Jónsson, forseta tölvunarfræðideildar Háskólans í Reykjavík og Andreas Weigend, kennara við Berkeley- og Stanford- háskólana í Bandaríkjunum. Weigend er jafnframt fyrrum tæknistjóri (e. chief scientist) hjá Amazon.com og einn af helstu hönnuðum meðmælakerfisins sem vefverslunin notar. Hann starfar jafnframt sem ráðgjafi hjá ekki ómerkari fyrirtækjum en Nokia, Myspace, Yahoo, Del.icio.us og fleirum slíkum. Á vef Tell Me Twin getur fólk skráð sig og gefið upp viðhorf til margvíslegra hluta með því að taka persónuleikapróf, og getur svo einnig gefið hlutum einkunn, hvort sem það eru kvikmyndir, bækur, matur eða annað. Síðan eru upplýsingar frá svipað þenkjandi einstaklingum notaðar til að mæla með nýjum hlutum við fólk. „Þarna er því bæði lesið í karaktereinkenni og svo lærð viðhorf." „Mikill akkur er í því fyrir okkur að fá Andreas Weigend í þetta með okkur, heilann á bakvið meðmælakerfi Amazon.com sem flestir þekkja og er eitt það viðurkenndasta í heimi," segir Einar. „Með okkur reynir hann nú að að setja nýja staðla á þessu sviði." Markmið TellMeTwin Everywhere er að gera TellMeTwin kleift að vinna með öðrum netsamfélögum, vefsíðum, eða forritum. Með viðbót við internetvafra gæti TellMeTwin vakað yfir því að benda fólki á nýja hluti, eftir því hvaða síður er verið að skoða. Þá er horft til þess að TellMeTwin fái unnið með vefverslunum á borð við Amazon.com, iTunes og fleiri, auk þess að samtvinna það netsamfélögum á borð við Facebook, MySpace, Bebo, Twitter eða önnur slík. Þá er horft til þess að búa til TellMeTwin viðmót í farsíma. Þannig gæti einhver leitað ráða hjá svipað þenkjandi fólki væri hann í vafa um bók sem hann ætlaði að kaupa úti í búð. „Í mars fer ég út til funda með Andreas og leggjumst við þá yfir það með hvaða vefjum TellMeTwin ætti helst að vera að vinna og hvernig," segir Einar. Í Háskólanum í Reykjavík starfar svo tölvunarfræðinemi með Ara Kristni í að forrita tæknilausnina. Tekjur TellMeTwin segir Einar að komi svo einna helst í gegnum samstarf við verslanir. „Núna er það til dæmis þannig að ef tvífari einhvers mælir með bíómynd á vefnum okkar og smellt er á „kaupa" hnappinn, þá er viðkomandi sendur yfir á vef Amazon.com og við fáum 6,0 til 8,5 prósenta sölulaun af því sem hann kaupir þar, á meðan hann hefur netvafrann opinn," segir Einar. „Grunnhugsunin er að fólk geti fengið ráðleggingar hjá fólki sem sagan sýnir að kann að meta svipaða hluti og þú, í stað þess að fólk sé að fá ómarkvissari ráðgjöf hjá vinum og kunningjum. Þetta er sérlega hjálplegt fyrir þá sem hafa afgerandi skoðanir á hlutunum og kannski oft andstætt skoðun fjöldans. Ég kann til dæmis hvorki að meta Hringadróttinssögu né nýju Batman-myndina og því verðmætt fyrir mig að finna tvífara sem deilir með mér þessu ákveðna „persónueinkenni", því allt í kringum mig er fólk að mæla með þessum myndum. Viðkomandi gæti svo auðvitað verið að mæla með einhverju allt öðru en kvikmyndum."
Fréttir Innlent Viðskipti Mest lesið Leik lokið hjá Play Viðskipti innlent Segir ekki honum að kenna að Play hafi farið á hausinn Viðskipti innlent Kalla ráðherra og forstjóra Samgöngustofu fyrir samgöngunefnd Viðskipti innlent „Skrifast ekki á okkur að það hafi farið eins og er farið“ Viðskipti innlent Hækkun flugfargjalda muni skila sér í meiri verðbólgu Viðskipti innlent Engin ást eftir milli flugmanna og stjórnenda Viðskipti innlent Icelandair geti ekki svarað fyrir orðræðuna Viðskipti innlent Norðlensk framleiðsla sem er að slá í gegn á Íslandi Samstarf Gjaldþrotaskiptabeiðni Play tekin fyrir í héraðsdómi Viðskipti innlent Þjóðarskútan sé „vel í stakk búin til að sigla milli skers og báru í úfnum sjó“ Viðskipti innlent Fleiri fréttir Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Leik lokið hjá Play „Skrifast ekki á okkur að það hafi farið eins og er farið“ Icelandair geti ekki svarað fyrir orðræðuna Play kvartaði undan Icelandair þremur vikum fyrir gjaldþrot Loka Kristjánsbakaríi Hætta rekstri tveggja skipa í hagræðingarskyni Engin ást eftir milli flugmanna og stjórnenda Sömu miðarnir kosti nú 370 þúsund Koma fólkinu heim með fimmtán milljóna króna leiguflugi Fargjöld ekki hækkuð af ásettu ráði Samgöngustofa fundaði nýlega með Play og fékk gögn frá KPMG „Við erum ekki með öll eggin í sömu körfu“ „Hver fyrir sig hvað það varðar“ Farþegar Play í Keflavík klóra sér í kollinum Ráðin sölu- og markaðsstjóri hjá Alfreð Kveðjubréf Einars forstjóra til starfsfólks Play er gjaldþrota Bein útsending: Staða aðfluttra á húsnæðismarkaði Spennandi tími til að opna nýjan fjölmiðill Lífsverk og Almenni lífeyrissjóðurinn í eina sæng Lagning gjaldþrota Sjá meira