Wenger vill hefna sín á Chelsea

Arsene Wenger hefur fundið fullkominn vettvang fyrir sína menn í Arsenal til að hefna fyrir að hafa dottið úr leik í undanúrslitum enska bikarsins gegn Chelsea.

Bæði Arsenal og Chelsea eru komin í undanúrslitin í Meistaradeild Evrópu og ef Arsenal nær að slá Manchester United út þar og Chelsea vinnur Barcelona - mætast Lundúnaliðin í úrslitaleiknum í Róm þann 27. maí nk.

"Ég væri til í að mæta Chelsea í úrslitaleiknum og ná fram hefndum, en við eigum víst eftir að spila við annað smálið áður en að því kemur," sagði Wenger kaldhæðnislega á heimasíðu Arsenal.