Söngkeppni framhaldsskólanna í beinni á Vísi

Söngkeppni framhaldsskólanna sem fer fram í íþróttahöllinni á Akureyri í kvöld verður sýnd í beinni útsendingu á Vísi. Einnig verður sýnt frá keppninni í opinni dagskrá Stöðvar 2. Í þessari vinsælustu og fjölmennustu söngkeppni landsins mæta til keppni allir framhaldsskólar landsins og er þetta í 20. sinn sem keppnin er haldin.

Söngkeppni framhaldsskólanna hefur reynst frábær stökkpallur fyrir upprennandi söngvara en meðal þeirra sem slegið hafa í gegn í keppninni eru Emilíana Torrini, Páll Óskar, Regína Ósk, Eyþór Ingi, Margrét Eir, Hera Björk og Ágústa Eva Erlendsdóttir.

Útsendingin hefst klukkan 19:35. Hægt er að horfa á hana hér.