Zlatan sáttur við jafnteflið

Svíinn Zlatan Ibrahimovic kom Barcelona til bjargar í kvöld er hann skoraði jöfnunarmarkið gegn Stuttgart.

„Við gerðum of mörg mistök í fyrri hálfleiknum. Völlurinn var ekki góður og menn voru að renna. Það er líka alltaf erfitt að spila gegn sterku liði eins og Stuttgart," sagði Zlatan eftir leikinn.

„Við spiluðum mun betur í síðari hálfleik og gerðum engin mistök. Ég skoraði mark sem var mikilvægt fyrir liðið. 1-1 jafntefli á útivelli er alls ekki slæm úrslit. Við förum í heimaleikinn með sjálfstraustið í botni. Heimavöllurinn mun gera gæfumuninn."