Gerard Pique: Ég vona að Wayne Rooney komi til Barcelona

Gerard Pique, varnarmaður Barcelona og fyrrum leikmaður Manchester United, vonast til þess að sjá Wayne Rooney í herbúðum Barcelona í framtíðinni en Pique er einn af aðdáendnum enska landsliðsmannins.

„Ég var svo heppinn að fá að spila með Wayne Rooney og hann er mjög góður leikmaður. Hann er einn af þeim fimm bestu í Evrópu og í heiminum og ég vonast til þess að hann vinni fleiri titla með United," segir Gerard Pique í viðtali við netmiðilinn goal.com.

„Ef hann vill fara frá United einhvern tímann í framtíðinni, þó að ég viti ekkert um áform hans, þá vona ég að hann komi hingað til Barcelona," sagði Gerard Pique.

„Það eru fáir leikmenn með betra hugarfar en Rooney og hann er algjör sigurvegari. Hann vill alltaf fá boltinn og líka þegar hann er ekki að spila vel. Ég vona eins og ég sagði áðan að hann komi og spili með Barcelona," sagði Gerard Pique.