Rooney fær fínar móttökur hjá stuðningsmönnum Rangers

Stuðningsmenn Glasgow Rangers ætla ekki að vera með nein leiðindi í garð Wayne Rooney á morgun er liðið tekur á móti Man. Utd í Meistaradeildinni.

Formaður stuðningsmannaklúbbs félagsins, Andy Kerr, segir enn fremur að það verði ekki nein slagsmál eins og gerðist fyrir tveim árum síðan.

Þá var Rangers að spila þar í úrslitum UEFA-bikarsins og lenti fjöldi stuðningsmanna félagsins í slagsmálum á götum Manchester-borgar eftir leikinn.

"Rooney mun ekki þurfa að þola neitt aukalega út af hans einkalífi. Hann fær bara nákvæmlega sömu meðferð og leikmenn þeirra liða sem sækja okkur venjulega heim. Ég býst við því að hann fái bara nokkuð góðar móttökur hjá okkur," sagði Kerr.