Gareth Bale: Ég var bara að reyna að koma okkur aftur inn í leikinn

„Við vorum einbeitingarlausir í upphafi leiks og erum hreinlega ekki með á hreinu hvað gerðist eiginlega," sagði Tottenham-maðurinn Gareth Bale eftir 4-3 tap á móti Inter í kvöld en Spurs-liðið var komið 3-0 undir og orðnir tíu inn á vellinum eftir aðeins 14 mínútur.

„Ég var ekki að hugsa neitt sérstakt þegar ég skoraði þessi mörk en eina hugsunin var að reyna að koma okkur aftur inn í leikinn," sagði Bale sem skoraði þrennu í seinni hálfleik fyrir Tottenham þrátt fyrir að liðið léki allan hálfleikinn manni færri.

„Það er margt jákvætt sem við tekið úr seinni hálfleiknum því við héldum boltanum mjög vel. Við erum engu að síður mjög vonsviknir að hafa tapað þessum leik," sagði Gareth Bale en fyrstu tvö mörkin hans komu eftir stórkostleg hlaup hans upp vinstri vænginn.