Sautján ára varamaður tryggði Fjölni sigur

Bjarni Gunnarsson, sautján ára varamaður Fjölnis, tryggði liðinu þrjú stig gegn Fjarðabyggð í leik liðanna í 1. deildinni í dag.

Bjarni skoraði markið þegar ein mínúta var til leiksloka en fram að því hafði fremur lítið gerst í leiknum.

Leikurinn átti að fara fram í gær en var frestað vegna veðurs þar sem flauta þurfti leikinn af.

Fjölnir er þar með komið með fimmtán stig og er í fimmta sæti deildarinnar en Fjarðabyggð er tveimur sætum neðar með tíu stig.