KR og Fram í undanúrslitin annað árið í röð - myndasyrpa

KR og Fram komust í gærkvöldi í undanúrslit VISA-bikars karla ásamt Víkingum úr Ólafsvík. Þetta er þriðja árið í röð sem KR-ingar komast svona langt í bikarnum en Framarar voru einnig í undanúrslitunum í fyrra.

Bæði liðin komist í 3-0 í sínum leikjum. KR vann að lokum 3-2 sigur á Þrótti á meðan Framarar unnu 3-1 sigur á Valsmönnum í uppgjöri Reykjavíkurliðanna.

Daníel Rúnarsson, ljósmyndari Fréttablaðsins og Vísis, var á vellinum í gær og myndaði báða leikina.

Myndirnar má sjá í albúminu hér að neðan. Hægt er að sjá myndirnar stærri með því að smella á þær.