Fótbolti

Rooney: Ég er að fá boltann mun meira

Óskar Ófeigur Jónsson skrifar
Wayne Rooney og Javier Hernandez fagna í kvöld.
Wayne Rooney og Javier Hernandez fagna í kvöld. Mynd/Nordic Photos/Getty
Wayne Rooney og félagar í Manchester United komust í kvöld í átta liða úrslit Meistaradeildarinnar fimmta árið í röð eftir 2-1 sigur á Marseille á Old Trafford. Það var mikil spenna í leiknum allan tímann og sætið var aldrei tryggt fyrr en lokaflautið gall.

„Við erum mjög ánægðir með að vera komnir áfram í átta liða úrslitin. Þetta var erfiður leikur á móti líkamlega sterku Marseille-liði en sem betur fer tókst okkur að klára þetta," sagði Wayne Rooney.

Chicharito skoraði bæði mörk Manchester United í leiknum en það fyrra kom eftir stoðsendingu frá Rooney sem átti mjög fínan leik.

„Javier [Hernandez] hreyfir sig frábærlega á vellinum og ég er að spila í þeirri stöðu sem ég hóf minn atvinnumannaferil í. Ég er að fá boltann mun meira og ég nýt þess í botn," sagði Rooney.

Meistaradeild Evrópu

Tengdar fréttir

Inter sló út Bayern eftir ótrúlega endurkomu

Inter Milan komst áfram í átta liða úrslit Meistaradeildarinnar eftir ótrúlegan 3-2 sigur á Bayern München á Allianz Arena í München í kvöld. Bayern fékk fjölda færa til þess að gulltryggja sigur sinn á Evrópumeisturum en Inter-menn gáfust ekki upp og tryggðu sér 3-2 sigur með því að skora tvisvar í seinni hálfleiknum.

Ferguson: Þetta var taugatrekkjandi í kvöld

Sir Alex Ferguson, stjóri Manchester United, gat aldrei sitið rólegur í seinni leik Manchester United og Marseille í 16 liða úrslitum Meistaradeildarinnar á Old Trafford í kvöld. Franska liðið þurfti bara að skora eitt mark stærsta hluta leiksins og var að skapa sér nokkur góð færi. Það var Javier Hernández sem tryggði United sætið í átta liða úrslitunum með tveimur mörkum.

Litli Mexíkaninn skaut Manchester United áfram í átta liða úrslitin

Manchester United er komið í átta liða úrslit Meistaradeildarinnar fimmta árið í röð eftir 2-1 sigur á frönsku meisturunum í Marseille. Það var litli Mexíkaninn Javier Hernández sem skoraði bæði mörk United í leiknum en hann hefur nú skorað sextán mörk á sinni fyrstu leiktíð á Old Trafford.

Mest lesið


Fleiri fréttir

Sjá meira


×

Mest lesið