Webber: Heppinn að hafa heimavöll í óútreiknanlegu móti í Melbourne

Heimamaðurinn Mark Webber hjá Red Bull er á heimavelli í fyrsta Formúlu 1

móti ársins. Hann telur að keppnisáætlnir verði mikilvægar í mótum vegna

nýrra reglna og búnaðs bílanna í ár, sem ökumenn hafa prófað á æfingum í

vetur.

"Það er alltaf auðvelt að lenda í smá vandræðum þegar nýjar reglur líta

dagsins ljós og liðið hefur staðið sig í stykkinu. Ég, liðið og Seb

(astian Vettel) höfum lagt mikla vinnu í að ná sem mestu út úr fáum

æfingadögum sem voru í boði", sagði Webber á fundi FIA með fréttamönnum í

Melbourne í dag.

Webber sagði að Ferrari hafi ekið mikið á æfingum og gert góða hluti hvað

það varðar, en Red Bull liðið hefði lært inn á nýju regurnar og það kæmi í

ljós á næstu vikum hvar Red Bull stæði gagnvart keppinautum sínum. Fyrstu

þrjú mótin yrðu áhugaverð. Eðlilega er mikið álag á Webber á heimaslóðum.

"Já. Ég er heppinn að hafa heimavöll eins og nokkrir aðrir ökumenn. Það er

alltaf góð stemmning í slíku, hvort sem það er í Brasilíu, á Spáni eða á

Englandi fyrir Jenson og Lewis. Ég er ánægður hér. Mótið er alltaf gott og

óútreiknanlegt, öryggisbíllinn kemur alltaf út og ég hlakka til:"

Mikið af nýjungum verður í fyrsta móti ársins. Ný dekk, nýir bílar og

nýjar reglur og um þetta sagði Webber.

"Það er margt sem þarf að læra. Við höfum bara æft á þessum dekkjum. Það

þarf nýjar leiðir varðandi keppnisáætlanir og við getum sagt að ný Formúla

1 hefst í Melbourne varðandi keppnisáætlanir og við þurfum að læra og vera

einbeittir. Einbeita okkur að keppnísáætlun, því ég held að hún skipti

miklu máli. Kannski tímatakan skipti aðeins minna í samanburði við síðasta

ár, því það mun meira gerast á brautinni í kappakstrinum en áður", sagði

Webber.