Forseti Barcelona: Við vinnum Real 5-0 í bikarnum

Real Madrid og Barcelona mætast í úrslitum spænsku bikarkeppninnar þann 20. apríl næstkomandi og telur forseti síðarnefnda félagsins, Sandro Rosell, að sínir menn geti leikið eftir 5-0 sigur liðsins á Real í deildinni í haust.

„Ég spái okkur 5-0 sigri svo að þetta verði að vana hjá okkur,“ sagði Rosell við spænska fjölmiðla.

Liðin mætast reyndar einnig í deildinni aðeins fjórum dögum áður en Barcelona er sem stendur með fimm stiga forystu á Real á toppi deildarinnar þegar níu leikir eru eftir af tímabilinu.