Hamilton mætir varfærinn til keppni

Lewis Hamilton hjá McLaren keppir í Formúlu 1 í Tyrklandi um helgina, en hann vann síðustu keppni sem var í Kína, auk þess sem hann vann mótið í Tyrklandi í fyrra. Hamilton er í öðru sæti á eftir Sebastian Vettel hjá Red Bull í stigamóti ökumanna.

„Það er hægt að mæta til leiks eftir síðustu keppni og vera spenntur og sjálfsöruggur fyrir mótð, en ég geri mér ekki miklar vonir. Ég vill ekki ég vænta of mikils, þannig að fallið sé ekki hátt", sagði Hamilton í frétt á autosport.com, en hann var meðal ökumanna á fréttamannafundi á Istanbúl Park brautinni í Tyrklandi í dag.

„Ég vil frekar mæta varfærinn til keppni. Við erum kannski ekki með fljótasta bílinn þessa helgina, sem er vissulega möguleiki, en ef við erum fljótastir þá væri það frábært og við gerum okkar besta til að vinna."

„Við unnum ekki síðustu keppni vegna þess að við vorum með fljótasta bílinn, heldur af því við ókum vel og vorum með bestu keppnisáætlunina. Vonandi minnkum við bilið og vonandi er endurbættur bíllinn nógu góður, en við sjáum það á morgun", sagði Hamilton, en fyrstu tvær æfingar helgarinnar eru á föstudag.

Sýnt verður frá fyrstu æfingunum á Stöð 2 Sport kl. 21:00 annað kvöld. Hamilton varð spurður að því hvort hann hefur trú á því að aðeins McLaren og Red Bull keppi um sigur um helgina og svaraði því á eftirfarandi hátt:

„Ég held ekki. Sérstaklega ekki eftir hléið sem hefur verið. Hinir gaurarnir virðast vera minnka bilið. Mercedes færist næst, Ferrari er skammt undan og það virðist ekki muna miklu að þeir bæti sig. Renault gengur vel og Petrov ekur frábærlega. Það verður mjótt á munum einhvern tímann, þannig að ég vona að við getum haldið áfram að eflast", sagði Hamilton.