Mansell hrifinn af frammistöðu Vettel og lét ekki beinbrot stöðva sig

Fyrrum Formúlu 1 ökumaðurinn og Bretinn Nigel Mansell er hrifinn af frammistöðu Sebastian Vettel og hvernig hann hefur náð tökum á nýjum dekkjum í Formúlu 1. Sjálfur varð Mansell meistari 1992 og lét ekki brotin bein í fæti stöðva sig frá takmarki sínu í titilslagnum á sínum tima. Mansell verður meðal dómara á breska kappakstrinum um næstu helgi.

Mansell ræddi málin þegar Williams kynnti samstarf við Renault í næstu árum, en Manseel Varð meistari með Williams liðinu. Mansell segir velgengni Vettel magnaða.

„Ferrari lagði línurnar þegar liðið keppti í þrjú ár án þess að bílarnir biluðu. Michael Schumacher vann á þeim tíma þrjá meistaratitla og fólk hefur sagt að það hafi verið vegna áreiðanleika bílsins. Þannig að Red Bull er að leggja nýja línu og sýnir hvað hægt er að gera ef allt er rétt undirbúið", sagði Mansell í frétt á autosport.com.

Mansell telur að Vettel hafi náð betri tökum á dekkjunum frá Pirelli en aðrir ökumenn. Hann segir þó Vettel ekki hafa efni á því að slaka á. Þrátt fyrir 77 stiga forskot. Mansell vann eina meistaratitilinn í Formúlu 1 fyrir 19 árum.

„Ég varð í öðru sæti í þrígang og ég tapaði eitt sinn titli með eins stigs mun í síðasta mótinu. Þegar maður hefur upplifað slíkt, þá slakar maður aldrei á. Ég vissi þetta veturinn 1991, því það átti að laga vinstri fótinn sem var brotinn. Með aðgerð. Ég hafði ekki efni á þriggja mánaða hléi. Þess í stað þess fékk ég sérstaka skó fyrir fótinn og beið til loka 1992. Það skipti ekki máli að vera með brotin bein. Það má ekki láta slíkt trufla", sagði Mansell.