Geir kominn í nýja nefnd hjá UEFA

Geir Þorsteinsson, formaður KSÍ, er kominn í nýja nefnd innan UEFA en Framkvæmdastjórn UEFA hefur skipað í nefndir fyrir árin 2011 - 2013.

Geir var í dómaranefnd UEFA en hefur nú verið skipaður annar varaformaður í nefnd UEFA um mót landsliða sem m.a. sér um skipulagningu á EM landsliða.

KSÍ á alls fjóra fulltrúa í nefndum UEFA á vegum KSÍ.  Guðrún Inga Sívertsen, gjaldkeri KSÍ, er í nefnd um kvennaknattspyrnu, Lúðvík Georgsson, stjórnarmaður KSÍ, er í Leyfisnefnd UEFA og Þórir Hákonarson, framkvæmdastjóri KSÍ, er í Fjölmiðlanefnd UEFA.