Koscielny: Varnarleikur liðsins er allur að koma til

Varnarmaðurinn Laurent Koscielny, leikmaður Arsenal, sagði eftir leikinn í gær gegn Borussia Dortmund í Meistaradeild Evrópu að varnarleikur liðsins hefði tekið miklum framförum.

Arsenal gerði jafntefli, 1-1, gegn þýsku meisturunum frá Dortmund í fyrsta leik liðsins í riðlakeppninni.

Koscielny var í hjarta varnarinnar með Per Mertesacker og þóttu þeir standa sig ágætlega í leiknum. Liðið hélt markinu hreinu gegn Swansea um helgina í ensku úrvalsdeildinni og fengu á sig eitt mark í gær sem fá lið hefðu geta varist.

„Þetta var erfiður leikur fyrir okkur, Dortmund léku einstaklega vel. Við vörðumst samt sem áður vel. Það var hrikalegt að fá þetta mark í andlitið rétt fyrir leikslok“.

Alex Song snéri til baka í lið Arsenal í gær en hann hefur verið að taka út leikbann undanfarna leiki. 

„Það hefur mikla þýðingu fyrir liðið að fá Song eftur í hópinn. Hann hjálpar okkur gríðarlega varnarlega og það mun reynast okkur vel í vetur“.