Grótta jafnaði í uppbótartíma á móti Leikni

Hafsteinn Bjarnason tryggði Gróttu gríðarlega mikilvægt 1-1 jafntefli við Leikni í fallbaráttuslag í kvöld. Hafsteinn skoraði jöfnunarmarkið sitt í uppbótartíma þegar allt stefndi í að Leiknismenn væru að vinna og senda Gróttu niður í fallsæti.

Grótta heldur því þriggja stiga forskoti á Leikni þegar aðeins ein umferð er eftir af 1. deild karla. HK er þegar fallið en Grótta og Leiknir berjast um að sleppa við það að fylgja Kópavogsbúum niður í 2.deildina.

Óttar Bjarni Guðmundsson kom Leikni yfir á 27. mínútu og þannig var staðan þar til að Hafsteinn Bjarnason nýtti sér slæm mistök Eyjólfs Tómassonar markvarðar Leiknis og tryggði sínum mönnum gríðarlega mikilvægt stig.

Leiknir R. mætir deildarmeisturum ÍA á heimavelli í síðustu umferðinni en Grótta heimsækir þá botnlið HK:

Hjörtur Hjartarson skoraði þrennu á síðustu tólf mínútunum í 5-0 sigri ÍA á KA og er því aftur orðinn markahæstur í 1.deildinni.

Sveinbjörn Jónasson skoraði tvö mörk fyrir Þrótt í 3-3 jafntefli við Hauka en þau úrslit hefðu líka tryggt Selfyssingum sæti í Pepis-deildinni hefðu þeir ekki fengið stig á ÍR-vellinum.

Upplýsingar um markaskorara eru að hluta fengnar af vefsíðunni fótbolti.net.

Úrslit og markaskorarar í 1. deild karla í dag:

BÍ/Bolungarvík-Víkingur Ó. 0-1

0-1 Artjoms Goncars (60.)

         

ÍA-KA     5-0    

1-0 Fannar Freyr Gíslason (13.), 2-0 Mark Doninger (50.), 3-0 Hjörtur Hjartarson (78.), 4-0 Hjörtur Hjartarson (90.), 5-0 Hjörtur Hjartarson (90.+3).

     

Grótta-Leiknir R.     1-1

0-1 Óttar Bjarni Guðmundsson (27.), 1-1 Hafsteinn Bjarnason (90.+1)

        

Fjölnir-HK     2-2

1-0 Ómar Hákonarson (7.), 1-1 Eyþór Helgi Birgisson (13.), 2-1 Ómar Hákonarson  (51.), 2-2 Eyþór Helgi Birgisson  (52.).

   

Haukar-Þróttur R.     3-3

0-1 Sveinbjörn Jónasson, 0-2 Dusan Ivkovic,1-2 Hilmar Rafn Emilsson, 2-2 Alieu Jagne, 3-2 Alieu Jagne, 3-3 Sveinbjörn Jónasson (víti).

        

ÍR-Selfoss     1-3

0-1 Viðar Örn Kjartansson, víti (21.), 0-2 0-2 Viðar Örn Kjartansson (35.), 1-2 Stefán Þór Pálsson (37.), 1-3 Viðar Örn Kjartansson, víti (45.),