Birgir Leifur í banastuði í Austurríki

Kolbeinn Tumi Daðason skrifar 24. september 2011 11:30

Birgir Leifur náði sér vel á strik í dag. mynd / stefán

Birgir Leifur Hafþórsson fór á kostum á þriðja hring opna austurríska golfmótsins í morgun. Birgir Leifur lék hringinn á 68 höggum eða fjórum undir pari vallarins. Hann er því á tveimur höggum undir pari samanlagt eftir þrjá hringi.

Birgir Leifur fékk sex fugla, tíu pör og tvo skolla á hringnum í dag. Hann var sérstaklega heitur á seinni níu holunum þar sem hann fékk fimm fugla og fjögur pör.

Birgi Leif gekk illa í gær þegar hann lék hringinn á fimm höggum yfir pari. Hann rétt slapp í gegnum niðurskurðinn á tveimur höggum yfir pari samanlagt. Það kemur í ljós síðar í dag í hvaða sæti frábær frammistaða Birgis Leifs í dag skilar honum.

Golf

Tengdar fréttir

Birgir Leifur líklega í gegnum niðurskurðinn

Birgir Leifur Hafþórsson kemst líklega í gegnum niðurskurðinn á opna austurríska mótinu. Birgir Leifur lék annan hring mótsins á 77 höggum eða fimm höggum yfir pari og er á tveimur höggum yfir pari samtals. Eins og staðan er núna dugar það Birgi Leifi í gegnum niðurskurðinn.

23. september 2011 15:08

Birgir Leifur: Þetta var frábært fyrir sjálfstraustið

Birgir Leifur Hafþórsson atvinnukylfingur úr GKG byrjaði mjög vel á Opna austurríska mótinu í golfi, sem tilheyrir Evrópumótaröðinni og hófst í Atzenbrugg í gær. Birgir lék fyrsta hringinn á 69 höggum, þremur höggum undir pari, sem skilar honum upp í 6. sætið.

23. september 2011 08:00