Golf

Tiger Woods í stuði - efstur að loknum þriðja degi

Kolbeinn Tumi Daðason skrifar
McIlroy og Woods í Abu Dhabi í dag.
McIlroy og Woods í Abu Dhabi í dag. Nordic Photos / Getty Images
Tiger Woods er í fyrsta sæti að loknum þriðja keppnisdegi á HSBC Golfmótinu í Abu Dhabi. Mótið er hluti af Evrópumótaröðinni.

Woods fór á kostum í dag og tapaði engu höggi á holunum átján. Hann spilaði á sex höggum undir pari og er á ellefu höggum undir pari samanlagt. Hann deilir toppsætinu með Englendingnum Robert Rock sem spilaði einnig á sex undir pari.

Norður-Írinn Rory McIlroy er einn fjögurra sem koma næstir á eftir Woods og Rock á níu höggum undir pari samanlagt.

Stöðuna í mótinu má sjá með því að smella hér.

Lokahringurinn verður spilaður á morgun.

Golf

Mest lesið


Fleiri fréttir

Sjá meira


×

Mest lesið