Schumacher fljótastur á æfingum dagsins

Michael Schumacher, á 2011 árgerð Mercedes bílsins, var fljótastur á æfingum F1 liða á Jerez brautinni á Spáni í morgun. Æfingatímabil keppnisliða hófst í gær þegar Kimi Raikkönen var fljótastur á 2012 árgerð Lotus liðsins. Kimi varð síðan fimmti á æfingum dagsins.

Mark Webber varð annar í dag á nýjum Red Bull bíl, Daniel Ricciardo á Torro Rosso varð þriðji og þriðji ökumaður Force India, nýliðinn Jules Bianchi, varð fjórði.

Flest keppnisliðin hafa nú þegar frumsýnt 2012 árgerð bíla sinna og aka þeim í æfingunum á Jerez. Mercedes, HRT og Marussia eru þau lið sem eiga eftir að frumsýna. Þau aka bílum síðasta árs með uppfærslum.

Erfitt getur verið að meta keppnishraða liðana af æfingunum einum því liðin nota þær til að prófa mismunandi hluti. Reglubreytingar fyrir keppnistímabilið 2012 hafa þvingað keppnislið til að endurhanna framenda bíla sinna og kemur nýja hönnunin nokkuð spánskt fyrir sjónir. McLaren liðið er eina liðið sem hefur nálgast framenda sinn á svipaðan hátt og undanfarin ár.