Flosi fljótastur í fyrri umferð 250 metra skeiðsins

Flosi frá Keldudal og Sigurbjörn Bárðarson, knapi hans, voru fljótastir í fyrri umferð 250 metra skeiðsins á Landsmóti hestamanna í Víðidal í kvöld.

Hellidemba setti svip sinn á keppnina en veðrið hefur leikið við keppendur og áhorfendur í Víðidal þar til væta gerði vart við sig í dag.

Flosi og Sigurbjörn fóru metrana 250 á 22,58 sekúndum. Næstir á eftir þeim komu Korði frá Kanastöðum og Teitur Árnason á 22,64 sekúndum.

Síðari umferð skeiðsins fer fram klukkan 16.15 á morgun.