Alonso segist geta aukið forystuna í Kóreu

Spánverjinn Fernando Alonso hjá Ferrari í Formúlu 1 er sjálfsöruggur og segist eiga góða möguleika á því að vinna heimsmeistaratitilinn, þrátt fyrir að keppinautar hans saxi jafnt og þétt á forskot hans í stigabaráttunni.

Ferrari-ökuþórinn hefur í allt sumar verið með stöðugasta pakkan á öllum brautum tímabilsins og það hefur fleytt Alonso í efsta sætið í titilbaráttunni. Nú eru Red Bull og McLaren bílarnir að koma til og farnir að geta ógnað Alonso reglulegar.

Nú er svo komið að fyrir næsta kappakstur, sem fram fer í Kóreu um helgina, hefur Alonso aðeins fjögurra stiga forystu í titilbaráttunni. Aðeins fjögur mót eru síðan forysta hans var 37 stig en síðan þá hefur Alonso þurft að hætta keppni tvisvar.

"Ég er sannfærður um að ég geti barist um titilinn fram á lokametrana," sagði Alonso við BBC Sport. "Fólkið sem vinnur að bílnum eru þau sömu og hafa skilað okkur svona langt. Ég hef enga ástæðu til þess að halda að við getum ekki haldið þessu áfram."

Kóreska brautin hentar FerrariDavid Coulthard, fyrrum ökumaður Williams, McLaren og Red Bull í Formúlu 1 segir Yeongam-brautina í Kóreu henta Ferrari-liðinu sérstaklega. Kappaksturinn gæti orðið góður á brautinni en annars eru aðstæður á brautinni ómerkilegar.

Það er því undir ökumönnum komið að skapa stemninguna fyrir sjálfa sig, það er mikilvægt að halda haus, það hefur Alonso sýnt að hann geti manna best.

Helsta ógn Alonso og Ferrari er ríkjandi heimsmeistari, Sebastian Vettel á Red Bull-bílnum. Hann hefur verið ógnarflótur undanfarið og telur Martin Whitmarsh, liðstjóri McLaren-liðsins, Red Bull eiga meiri möguleika en McLaren í þeim mótum sem eftir eru.

"Alonso eru undir meiri pressu frá Vettel en okkur, en við erum að bæta í gatið og vonandi getum við bætt okkur enn meira í síðustu fimm mótunum.

Í beinni á Stöð 2 Sport

Kóreski kappaksturinn er sýndur í beinni útsendingu á Stöð 2 Sport. Allar æfingar, tímatökur og keppnin eru sýndar í beinni og tímatakan og keppnin eru svo endursýnd á laugardag og sunnudag.

Föstudagur 12. október

1:00 Fyrsta æfing í Kóreu

5:00 Önnur æfing í Kóreu

Laugardagur 13. október

1:55 Þriðja æfing í Kóreu

4:50 Tímatakan fyrir kappaksturinn í Kóreu

12:00 Endursýning frá tímatökum

Sunnudagur

5:40 Kóreski kappaksturinn

12:00 Endursýning frá kappakstrinum