Halda útiliðin áfram að vinna í Hafnarfjarðaslagnum?

FH tekur á móti toppliði Hauka í dag í lokaleik 7. umferðar N1 deildar karla og fyrsta Hafnarfjarðarslag tímabilsins en leikurinn hefst klukkan 15.00 í Kaplakrika.

Það er alltaf mikill viðburður þegar Hafnarfjarðarliðin mætast en að þessu sinni eiga Haukar möguleika á því að ná sex stiga forskoti á toppnum.

Haukar unnu báða bikarleiki liðanna í fyrra en FH-liðið vann aftur á móti tvo af þremur leikjum liðanna í deildinni. Heimavallaráhrifin voru greinilega ekki að skila sér í deildarleikjunum því útiliðin unnu þá alla.

Haukar unnu eina leik liðanna í Kaplakrika á síðustu leiktíð en það var einnig fyrsti Hafnarfjarðarslagurinn á því tímabili. Haukar unnu leikinn 21-16 en FH-ingar fögnuðu aftur á móti sigri í síðasta leik félaganna þegar þau mættust á Ásvöllum í lok mars.

Deildarleikir FH og Hauka í fyrravetur:

19.desember 2011- Kaplakriki FH - Haukar 16-21 (8-7)

9.febrúar 2012 - Schenkerhöllin Haukar - FH 20-26 (10-10)

30.mars2012 - Schenkerhöllin Haukar - FH 18-20 (10-8)