Menntaskólastrákar slá í gegn með tónlistarmyndbandi

Strákarnir á bak við skólaþátt Fjölbrautaskóla Suðurnesja sem þeir kalla Hnísan breyttu aðeins út af vananum í lokaþætti sínum sem fram fór á dögunum og frumsýndu lag og tónlistarmyndband.

"Við slóum til og gerðum lag og tónlistarmyndband fyrir lokaþáttinn okkar, lag og texti er búinn til af okkur frá A til Ö og við lögðum mikið upp úr gerð myndbandsins," sögðu strákarnir en það eru þeir Arnar Már Eyfells, Augustine Abeni Odion, Guðni Már Grétarsson,Sigurbergur Elisson, Sindri Jóhannsson og Vignir Hreinsson sem skipa Hnísuna.

Lagið ber heitið Partýsteinn og hefur vakið ótrúlega góð viðbrögð.

Hér má sjá meira um þættina á facebook.