Forsetinn með flestar

Tilnefningar til Golden Globe-verðlaunanna tilkynntar.

Kvikmyndin Lincoln hlýtur flestar tilnefningar til Golden Globe-verðlaunanna, en tilkynnt var um tilnefningarnar í gær. Það er sjálfur Steven Spielberg sem leikstýrir myndinni, en hún er tilnefnd meðal annars í flokki bestu myndar, besta leikstjóra og besta aðalleikara, en það er Daniel Day-Lewis sem fer með hlutverk Bandaríkjaforsetans sáluga.

Á eftir Lincoln í fjölda tilnefninga koma kvikmyndirnar Django Unchained og Zero Dark Thirty, en þær hljóta fimm tilnefningar hvor

.

Golden Globe-verðlaunin þykja gefa góða mynd af því hvaða myndir verða atkvæðamiklar á komandi Óskarsverðlaunahátíð.