Bayern Munchen gjörsamlega valtaði yfir Hamburger 9-2

Bayern Munchen vann ótrúlegan sigur á Hamburger SV, 9-2, í þýsku úrvalsdeildinni í knattspyrnu og má svo sannarlega segja að liðið hafi niðurlægt Hamburger á Allianz-vellinum.

Claudio Pizarro, leikmaður Bayern Munchen, gerði sér lítið fyrir og skoraði fjögur mörk í leiknum. Hollendingurinn Arjen Robben skoraði tvö fyrir heimamenn en þeir Xherdan Shaqiri, Bastian Schweinsteiger og Franck Ribéry gerðu eitt mark hver.

Jeffrey Bruma og Heiko Westermann skoruðu mörk Hamburger.

Magnaður sigur hjá toppliðinu sem hefur tuttugu stiga forskot á næsta lið á toppi deildarinnar en Bayern Munchen hefur 72 stig.