Anna Björg hetja Fylkis

Anna Björg Björnsdóttir skoraði bæði mörk Fylkis í 2-1 sigri á HK/Víkingi í fjórðungsúrslitum Borgunarbikarkeppni kvenna.

Fylkir er því komið áfram í undanúrslit keppninnar ásamt Breiðabliki, Þór/KA og Stjörnunni.

Úrslitin eru ekki síst merkileg í ljósi þess að Fylkir leikur í 1. deildinni en HK/Víkingur í Pepsi-deild kvenna.

Anna Björg skoraði fyrra markið á 37. mínútu og það síðara á 61. mínútu. Lára Hafliðadóttir minnkaði muninn fyrir HK/Víking á 88. mínútu og þar við sat.