Alonso fótbrotinn og frá í þrjá mánuði

Spánverjinn Xabi Alonso verður frá keppni næstu þrjá mánuðina en leikmaðurinn braut bein í ristinni á hægri fæti á æfingu í morgun.

Þetta kemur fram í yfirlýsingu frá félaginu og mun leikmaðurinn snúa til baka í nóvember, jafnvel fram í desember.

Alonso er nýbúinn að jafna sig á meiðslum í nára og er þetta því mikið áfall fyrir leikmanninn og liðið.

Bakvörðurinn Marcelo, liðsfélagi Alonso hjá Real Madrid, varð fyrir samskonar meiðslum og Alonso í desember á síðasta ári og varð frá í þrjá mánuði.