Valdís Þóra ætlar í atvinnumennsku

Valdís Þóra Jónsdóttir, kylfingur hjá Leyni á Akranesi, hefur sett stefnuna á úrtökumót fyrir Evrópumótaröðina sem fram fer í Marokkó í desember.

Valdís segist í samtali við Skessuhorn stefna ákveðið að því að gerast atvinnumaður í golfi. Til þess að svo megi vera þarf hún að fórna áhugamannaréttindum sínum á meðan.

Valdís heldur í haust til æfinga í Flórída þar sem hún mun æfa af krafti í tvo mánuði. Styrktarmót fyrir Valdísi Þóru fer fram sunnudaginn 8. september á Garðavelli.

300 kylfingar munu keppa í Marokkó en 30 sæti gefa beinan þátttökurétt á mótaröðinni. Nokkrir kylfingar til viðbótar tryggja sér þátttökurétt á einstökum mótum.