Markalaust hjá Man Utd. | Van Persie klúðraði víti

Man. Utd fékk færin til þess að leggja Real Sociedad í kvöld. Þau voru ekki nýtt og markalaust jafntefli því niðurstaðan. United þó enn á toppi riðilsins.

Leikurinn var lítið fyrir augað og takmarkað um færi fyrir utan eitt dauðafæri sem Javier Hernandez, framherji Man. Utd klúðraði á ótrúlegan hátt.

Man. Utd hefði getað komist yfir þegar 20 mínútur lifðu leiks. Ashley Young fiskaði þá víti sem Robin van Persie tók. Honum brást bogalistin því vítið fór í stöngina.

Fyrsta vítið sem Van Persie klúðrar í Meistaradeildinni en hann hafði skorað úr fimm vítaspyrnum fyrir Arsenal í keppninni á sínum tíma.

Fátt markvert gerðist það sem eftir lifði leiks fyrir utan að Marouane Fellaini, miðjumanni Man. Utd, var vikið af velli með sitt annað gula spjald.