Rigningin hægði ekki á Vettel

Sebastian Vettel er að sjálfsögðu á ráspól í brasilíska kappakstrinum í Formúlu 1. Tímatakan fór fram við votar aðstæður í kvöld.

Vettel var með yfirburði í tímatökunni. Nico Rosberg var með næstbesta tímann og Fernando Alonso þann þriðja.

Mark Webber mun ræsa fjórði í sínum síðasta kappakstri en stýrið hjá honum fer upp í hillu annað kvöld. Lewis Hamilton kemur á eftir honum og svo Romain Grosjean.

Mikil rigning var í Brasilíu í dag og aðstæður erfiðar. Þýski heimsmeistarinn var þó öryggið uppmálað eins og venjulega.