Sport

Mölbraut salernishurð í Sotsjí

Eiríkur Stefán Ásgeirsson skrifar
Quinn og hurðin sem hann braut.
Quinn og hurðin sem hann braut. Vísir/Samsett mynd
Bandarískur bobsleðakeppandi lenti í kröppum dansi í vistarverum sínum í Ólympíuþorpinu í Sotsjí í gær.

Johnny Quinn festist inn á baðherberginu sínu eftir að hafa verið í sturtu. Hurðin stóð á sér og sá hann sér ekki aðra leið færa en að brjóta niður hurðina.

„Ég var ekki með síma til að hringja eftir hjálp og því nýtti ég mér þjálfunina til að ryðja mér leið úr herberginu,“ skrifaði Quinn á Twitter-síðuna sína.

Það hefur gengið á ýmsu í Sotsjí og bæði íþróttamenn og blaðamenn greint frá ýmsu misjöfnu sem þeir hafa orðið varir við.

Vetrarólympíuleikar 2014 í Sochi

Mest lesið


Fleiri fréttir

Sjá meira


×

Mest lesið