Melrakkar leika Kill 'Em All í heild sinni

Melrakkar er nýstofnuð hljómsveit skipuð reynsluboltum úr íslensku rokki. Sveitin heldur tvenna tónleika í byrjun mars þar sem platan Kill 'Em All verður leikin í heild sinni.

Kill 'Em All er fyrsta breiðskífa þungarokkshljómsveitarinnar Metallica og kom út árið 1983. Olli hún straumhvörfum í þungarokkinu og í tilkynningu frá Melrökkum segja þeir plötuna einfaldlega vera meistaraverk.

„Melrakkar er nýstofnuð hljómsveit 5 manna sem allir hafa gengið gegnum lífið með Kill ‘Em All í blóðinu. Verkefnið er einfalt: Spila plötuna í gegn á tónleikum fyrir þá sem vilja hlusta.“

Melrakka skipa þeir:

Aðalbjörn Tryggvason (Sólstafir) - söngur

Bjarni M. Sigurðarson (Mínus) - gítar

Snæbjörn Ragnarsson (Skálmöld) - gítar

Flosi Þorgeirsson (HAM) - bassi

Björn Stefánsson (Mínus) - trommur

Tónleikarnir verða á Græna hattinum, Akureyri, föstudaginn 7. mars og á Gamla Gauknum í Reykjavík laugardaginn 8. mars. Forsala miða er hafin á Miði.is.

Hit the Lights, fyrsta lag plötunnar.