Handbolti

Róbert Aron til Danmerkur

Eiríkur Stefán Ásgeirsson skrifar
Róbert Aron í leik með ÍBV.
Róbert Aron í leik með ÍBV. Vísir/Vilhelm
Róbert Aron Hostert, leikmaður ÍBV, hélt í morgun utan til Danmerkur þar sem hann ætlar að ræða við forráðamenn Mors-Thy.

Þetta kom fram í Morgunblaðinu í dag en þó nokkur félög hafa sýnt Róberti áhuga. Hann æfði til að mynda með Hannover/Burgdorf í Þýskalandi í vor en gekk svo í raðir ÍBV.

„Ég ætla að sjá hvað kemur út úr þessu hjá Mors-Thy,“ sagði Róbert. „Ég vil klára þessi mál en maður þarf að vanda valið.“

Róbert, sem er 23 ára, varð Íslandsmeistari með Fram í vor en hefur verið í lykilhlutverki hjá Eyjamönnum í vetur.

Olís-deild karla

Mest lesið


Fleiri fréttir

Sjá meira


×

Mest lesið